Shtetet e Bashkuara dhe Ukraina janë vendosur të nënshkruajnë marrëveshjen për mineralet që ka qenë një temë e nxehtë në skenën ndërkombëtare, sipas burimeve të cituara nga Reuters.
Tre burime të ndryshme i thanë agjensisë Reuters se Donald Trump ka informuar këshilltarët e tij se dëshiron të shpallë marrëveshjen gjatë fjalimit të tij në Kongres më vonë sonte.
Kujtohet se nënshkrimi i marrëveshjes u shty javën e kaluar, pas takimit të mbushur me incidente të Volodymyr Zelensky me Donald Trump dhe J.D. Vance në Shtëpinë e Bardhë.
Më herët të martën, Zelensky postoi në "X" se Ukraina ishte gati të nënshkruante marrëveshjen dhe e quajti takimin e Zyrës Ovale "të penduar".
“Takimi ynë në Uashington, në Shtëpinë e Bardhë të premten, nuk shkoi ashtu siç duhej”, tha Zelensky në postimin e tij. "Ukraina është e gatshme të vijë në tryezën e bisedimeve sa më shpejt që të jetë e mundur për të sjellë më afër paqen e qëndrueshme."
