Presidenti i Koresë së Jugut, Yoon Suk Yeol i ka mbijetuar një votimi në parlament për shkarkimin e tij, proces që erdhi si pasojë e përpjekjes së tij të papritur dhe tronditëse për të vendosur ligjin ushtarak pas një bojkoti nga anëtarët e partisë së tij.
Ndërsa parlamenti debatonte mocionin, pothuajse të gjithë anëtarët e partisë në pushtet u larguan nga salla, gjë që kishte vënë në dyshim shanset për të arritur pragun për miratimin e projektligjit.
Për të miratuar, projektligji kishte nevojë për mbështetje nga dy të tretat e asamblesë prej 300 anëtarësh, që do të thotë se opozitës i duheshin të paktën tetë anëtarë të partisë në pushtet për të rrëzuar presidentin, shumicë që nuk u arrit.
Në një transmetim të së shtunës në mëngjes, presidenti Yoon Suk Yeol kërkoi falje për "ankthin" dhe "bezdinë" e shkaktuar nga shpallja e ligjit ushtarak të së martës, duke thënë se kishte vepruar në atë mënyrë për shkak të dëshpërimit.
“Më vjen shumë keq, sinqerisht u kërkoj falje njerëzve që duhet të kenë mbetur shumë të befasuar”, tha ai, duke shtuar se nuk do të shmangë akuzat ligjore dhe nuk do të ketë ligj të dytë ushtarak. Versus.al
