Qeveria franceze e kryeministrit Michel Barnier ka rënë, duke futur në kaos vendin. Partitë e majta dhe të djathta ekstreme u bënë bashkë për të votuar në mbështetje të një mocioni mosbesimi.
Mocioni mori votat e 331 deputetëve nga 571 në total që ka Parlamenti i Francës.
Kjo shënon herën e parë që qeveria franceze rrëzohet në një votë mosbesimi që nga viti 1962.
Më herët gjatë fjalës së tij Michel Barnier tha se vështirësitë fiskale të Francës “nuk do të zhduken” me një votë mosbesimi, pasi ai mbron buxhetin e tij të kontestuar.
Tani qe qeveria ra, Presidenti Macron duhet të emërojë një kryeministër të ri, por përbërja e parlamentit të përçarë nuk ndryshon.
Ndërkohë zgjedhjet parlamentare nuk mund të mbahen deri të paktën në muajin korrik, duke krijuar një ngërç të mundshëm për hartuesit e politikave.
