Mbrojtja ajrore ruse ka kapur dronë ukrainas që po shkonin drejt Moskës herët të shtunën, tha kryebashkiaku i Moskës Sergei Sobyanin.
Në një deklaratë të postuar në platformën Telegram, Sobyanin nuk përmendi ndonjë viktimë apo dëm. Ai tha se 13 dronë u rrëzuan ose u shkatërruan në orët e para të së shtunës, duke shtuar se ekspertët po shqyrtonin mbeturinat në zonat ku ato ranë.
Ministria ruse e Mbrojtjes tha se gjithsej 87 dronë ukrainas u rrëzuan në rajone të ndryshme të vendit gjatë një periudhe pesë-orëshe. Nga këta, 48 u rrëzuan në rajonin e Bryansk, pranë kufirit ukrainas, sipas të njëjtit burim.
Nga ana e tij, guvernatori në detyrë i rajonit të Rostovit raportoi se dronët ukrainas shkaktuan zjarre dhe ndërprerje të energjisë elektrike në disa zona.
