Me një kryq në ballë , Sekretari amerikan i Shtetit, Marco Rubio, u shfaq në një intervistë për Fox News për të folur për zhvillimet në lidhje me Ukrainën, krizën në Lindjen e Mesme dhe fjalimin e Trump në Kongres.
Sekretari amerikan i Shtetit mbante në ballë një kryq pasi dje ishte e mërkura e hirit për shumë të krishtirë katolikë.
Në këtë ditë në disa vende, besimtarët formojnë një kryq në ballin e tyre me hirin nga e Diela e Palmave të vitit të kaluar që janë shenjtëruar me një bekim.
Kjo është dita e parë e Kreshmës, ku besimtarët agjërojnë nga mishi.
E mërkura e hirit festohet nga katolikët, luteranët, moravianët, anglikanët (episkopalët) dhe protestantët e bashkuar, si dhe disa kisha kalviniste.
Imazhi i Rubios ngjalli disa komente në X, me disa që u deklaruan krenarë për Sekretarin e Shtetit të SHBA-së, të tjerë e akuzuan atë për "propagandë" në favor të Rusisë, të tjerë duke folur për një luftë fetare./Versus.al
Is the US Secretary of State Marco Rubio spewing Russian propaganda with a giant cross painted in the forehead? pic.twitter.com/1bwtj0hib6
— Kvist (@kvistp) March 6, 2025
