Presidenti i SHBA, Donald Trump e ka pritur kryeministren italiane me komplimenta, duke u shprehur se i pëlqen shumë. Teksa Meloni ka mbërritur në Shtëpinë e Bardhë dhe pritet nga casti në cast të nisë takimi, Trump thotë se ai mendon se ajo është një kryeministre e madhe.
“Ajo është një kryeministre e shkëlqyer. Unë mendoj se ajo po bën një punë fantastike,” thotë ai, duke shtuar se e njeh atë “që në fillim” si kryeministre. Ajo është një nga udhëheqësit e vërtetë të botës”, thotë ai.
Presidenti Donald Trump e quajti dikur kryeministren italiane Giorgia Meloni “një grua fantastike” që “ka pushtuar Evropën”.
Ajo darkoi me të në Mar-a-Lago dhe ishte e vetmja udhëheqëse evropiane që ishte e ftuar në inaugurimin e Trump në janar.
Partia e krahut të djathtë të Melonit, Vëllezërit e Italisë, është politikisht e lidhur me Trump për shumë çështje, por jo për dy që janë aktualisht në krye të mendjes së Evropës: tarifat dhe Ukraina.
Meloni ka qenë një mbështetëse e vendosur e Ukrainës dhe presidentit të saj Volodymyr Zelensky, të cilin e takoi më shumë se dhjetëra herë që nga pushtimi i Rusisë në 2022 – gjë që mund ta vendosë atë në një kurs përplasjeje me Trump, i cili ka bërë presion që lufta në Ukrainë të përfundojë edhe nëse kjo do të thotë që Ukraina të heqë dorë nga disa territore.
Italia është gjithashtu një anëtare e Bashkimit Evropian, kështu që ndërsa Meloni po viziton Shtëpinë e Bardhë në rolin e saj si Kryeministre italiane, ajo përfaqëson edhe joformalisht BE-në.
Ajo ka të ngjarë të kërkojë të vendosë ekuilibrin e duhur midis dy roleve – duke përfituar nga marrëdhënia e saj e mirë me Trump, ndërkohë që kundërshton tarifat ndaj BE-së. Meloni i ka quajtur më parë taksat që Trump vendosi ndaj BE-së “të gabuara” dhe bëri thirrje për negociata.
