Është mbyllur raundi i dytë i zgjedhjeve në Francë.
Për momentin ka një rezultat suprizë pasi po udhëheq e majta e Frontit Popullor. Forca e Macron vjen e dyta, ndërsa Tubimi Kombëtar i Le Pen në të tretin
-
Dalin rezultatet paraprake jo zyrtare për zgjedhjet në Francë
7 Korrik, 19:19
Qindra njerëz shpërthyen në brohoritje në rrugët e Parisit ndërsa u njoftua se Fronti i Ri Popullor i krahut të majtë (NFP) parashikohej të mundte partinë e ekstremit të djathtë Rally National (RN), shkruan CNN.
Rezultati ishte një surprizë pasi RN mori drejtimin pas raundit të parë të zgjedhjeve.
Qindra njerëz brohorisnin ‘të gjithë i urrejnë fashistët’ teksa mbanin tabela në duar dhe përqafoheshin me njëri tjetrin.
Atmosfera në kampin e Le Pen në Bois de Vincennes në Paris u trondit një orë para mbylljes së qendrave të votimit.
Katër ditë pasi Macron thirri zgjedhjet, një grup partish u bashkuan për të formuar Frontin e Ri Popullor – një koalicion që synonte të ringjallte Frontin Popullor origjinal që bllokoi fashistët nga fitimi i pushtetit në 1936.
Aleanca e madhe dhe potencialisht e ndashme përbëhet nga kandidati tre herë presidencial Jean-Luc Mélenchon, lider i partisë France Unbowed; socialistët; komunistët; ekologët; dhe Place Publique, të kryesuar nga anëtari i njohur i Parlamentit Evropian (PE) Raphaël Glucksmann.
