Presidenti amerikan Donald Trump njoftoi të mërkurën tarifa prej 20% për mallrat e BE-së. Presidentja e Komisionit Evropian, Ursula von Der Leyen tha se BE po përgatitet për kundërmasat e nevojshme për të mbrojtur interesat e Evropës.
"Tarifat do shkaktojnë pasoja të tmerrshme dhe goditje për ekonominë botërore. Ne po finalizojmë tashmë një paketë të parë kundërmasash në përgjigje të tarifave ndaj çelikut. Dhe tani po përgatitemi për kundërmasa të mëtejshme, për të mbrojtur interesat dhe bizneset tona nëse negociatat dështojnë," tha presidentja e Komisionit të enjten nga Samarkand, Uzbekistan, ku ajo do të marrë pjesë në samitin e parë ndonjëherë BE-Azi Qendrore.
"Ne gjithashtu do të vëzhgojmë nga afër se çfarë efektesh indirekte mund të kenë këto tarifa, sepse ne nuk mund të thithim mbikapacitetin global dhe as nuk do të pranojmë dumping në tregun tonë," shtoi ajo.
Presidenti amerikan vendosi të mërkurën një tarifë minimale prej 10% për të gjitha vendet, me BE-në të vendosur në një listë me 60 "shkelësit më të këqij" dhe të goditur me një normë më të lartë të përshtatur prej 20%. Taksat janë planifikuar të hyjnë në fuqi të mërkurën e ardhshme.
Në listë me tarifa 10% ishte edhe Shqipëria e Kosova, ndërsa për vendet e tjera të rajonit, tarifat ishin më të larta. Versus.al
