Presidenti i SHBA-ve; Donald Trump ishte sot në samitin rajonal të organizuar në Egjipt ku u firmos marrëveshja e paqes mes Izraelit dhe Hamasit me një plan prej disa pikësh për Gazën.
Sa u takon këtyre zhvillimeve, presidenti i Egjiptit Abdel Fattah al-Sisi tha se përfundimi i luftës në Gaza duhet të shënojë përfundimin e të gjitha luftërave në rajon ndërsa njoftoi se Egjipti do të presë një samit për rindërtimin e Gazës.
Gjithashtu, al-Sisi theksoi se zgjidhja me dy shtete është “e vetmja mënyrë për të përmbushur aspiratat e popullit palestinez dhe atij izraelit për t’i dhënë fund konfliktit.”
“Paqja nuk ndërtohet nga shtetet dhe qeveritë, por nga njerëzit që besojnë se armiqtë e djeshëm mund të jenë miqtë e sotëm,” – u shpreh ai.
Teksa al-Sisi ftoi presidentin Trump në skenë, ai shtoi: “Dua të shpreh vlerësimin tim të madh për përpjekjet e presidentit Trump.” Versus.al
