Presidenti i SHBA-së, Donald Trump, ka pranuar publikisht se administrata e tij po konsideron zhvendosjen e disa trupave amerikane të tërhequra nga Gjermania drejt Polonisë.
Deklarata u bë gjatë një bisede me gazetarët në Shtëpinë e Bardhë dhe vjen në një moment kur po diskutohet gjithnjë e më shumë për një ekuilibër të ri të fuqisë së NATO-s në Europën Qendrore dhe Lindore.
I pyetur mbi mundësinë e transferimit të forcave ushtarake në Poloni, Trump u përgjigj se kjo është “e mundur”, duke nënvizuar marrëdhëniet shumë të mira me autoritetet polake.
“Polonia do ta donte këtë. Ne kemi marrëdhënie të shkëlqyera me Poloninë. Kam marrëdhënie shumë të mira me presidentin Nawrocki. Mbani mend, unë e mbështeta publikisht dhe ai fitoi, edhe pse ishte shumë prapa në sondazhe. Është një luftëtar i madh, një djalë fantastik. Më pëlqen shumë, ndaj po, është e mundur… mund ta bëj”, deklaroi Trump.
Komentet e tij pritet të shtojnë diskutimet mbi strategjinë ushtarake të SHBA-së në Europë, sidomos në një kohë tensionesh të vazhdueshme me Rusinë dhe rritjes së rolit të vendeve të Europës Lindore brenda NATO-s.
Polonia prej kohësh ka kërkuar forcim të pranisë ushtarake amerikane në territorin e saj, duke e konsideruar atë një garanci të rëndësishme sigurie përballë kërcënimeve në rajon.
???? DONALD TRUMP CONSIDERS MOVING TROOPS TO POLAND!
— Eric Daugherty (@EricLDaugh) May 8, 2026
Q: If you withdraw from Germany, would you move them to Poland?
PRESIDENT TRUMP: "Poland would like that. We have a great relationship with Poland! I have a great relationship with the President [Nawrocki]!"
"Remember, I… pic.twitter.com/3iI45LcgNW
