Shtëpia e Bardhë zbuloi të premten planet për një hark 250 metra të lartë që Presidenti Donald Trump dëshiron të ndërtohet në Uashington D.C.
Monumenti i ri do të jetë "Harku i Triumfit MË I MADH dhe MË I BUKUR në të gjithë botën", shkroi Trump në Truth Social.
Administrata njoftoi se ia ka dorëzuar zyrtarisht planet Komitetit të Arteve të Bukura, një organ i përbërë nga aleatë të Trump, i cili do ta shqyrtojë propozimin javën e ardhshme.
Harku është një nga projektet kontroverse të Trump për të riformësuar Uashingtonin në stilin e tij.
Nëse miratohet, do të jetë një ndërtesë më e lartë se ndërtesa e Kapitolit ose Monumenti i George Washingtonit.
Sigurisht, ka edhe detajet e arta që Donald Trump i pëlqen kaq shumë: një mbishkrim i artë "Një komb nën Zotin", dy shqiponja të arta (emblema e SHBA-së), një statujë me krahë të artë dhe luanë të artë.
Kjo hark, i frymëzuar nga Harku i Triumfit në Paris, është vetëm një nga disa projektet e mbështetura nga presidenti vetë ose nga rrethi i tij i afërt, të cilat synojnë të lënë gjurmë në peizazhin amerikan.
Donald Trump po ndërton gjithashtu një sallë të madhe vallëzimi në Shtëpinë e Bardhë, e cila pritet të presë deri në 1.000 persona për pritje të ndryshme dhe darka në nder të personaliteteve të huaja.
Po ashtu, ai ka miratuar riemërtimin e një salle të njohur spektaklesh në “Trump-Kennedy Center”, duke e lidhur emrin e tij me një nga institucionet më të njohura kulturore në SHBA.
Gjithashtu, presidenti amerikan ka marrë miratimin për prodhimin e një monedhe përkujtimore prej ari me portretin e tij, si pjesë e projekteve simbolike që lidhen me figurën e tij publike dhe trashëgiminë që synon të lërë.
