Një ngjarje aspak e zakonshme ka ndodhur në kampionatin e shahut të Dagestanit në Rusi ku një 40 vjeçare ka tentuar të helmojë me mërkur vdekjeprurës rivalen e saj.
Amina Abakarova është futur paraprakisht në dhomën ku do të zhvillohej sfida, duke kontrolluar nëse ndonjë person po e vëren duke kryer aktin e rëndë kundrejt kundërshtares së saj, Umayganat Osmanova, e cila supozohet se kishte folur keq familjen e saj.
Më pas ajo mori diçka nga çanta e saj dhe u shfaq duke derdhur një substancë nëpër tavolinë dhe në tabelën e shahut. Pas kësaj ajo doli nga dhoma.
Objektivi i saj i supozuar, rivalja 30-vjeçare Umayganat Osmanova, u ul në vendin ku ajo kishte përhapur substancën dhe përfundoi duke u sëmurur gjatë ndeshjes.
Përpjekja e Abakarova u zbulua pasi një gjyqtar i turneut raportoi në polici sëmundjen e dyshimtë të Osmanova dhe u kontrolluan pamjet e sigurisë.
Ajo më vonë pranoi tentativën për helmim, duke i thënë policisë se kishte thyer një termometër mbi tavolinë dhe kishte përhapur mërkur në të gjithë tabelën.
Por Abakarova këmbënguli se ishte Osmanova ajo që hapi armiqësitë mes tyre – duke pretenduar se rivalja e saj kishte folur keq ndaj saj dhe familjes së saj pasi fitoi në një turne të mëparshëm.
“Jam e hutuar nga ajo që ndodhi dhe motivet e një konkurrenteje me përvojë si Amina Abakarova janë të pakuptueshme,” tha ministrja lokale e Sportit, Sazhida Sazhidova.
“Veprimet që ajo ndërmori mund të kishin çuar në një përfundim shumë tragjik, duke kërcënuar jetën e të gjithë atyre që ishin të pranishëm, duke përfshirë edhe veten.”
Abakarova përballet me tre vjet burg nëse dënohet për akuzat për shkaktim të qëllimshëm të lëndimit trupor.
Ajo mori në shtëpi kampionatin federal të shahut të distriktit të Kaukazit të Veriut në Pyatigorsk vitin e kaluar dhe punon si trajnere shahu në një shkollë në Makhachkala.
https://nypost.com/2024/08/07/world-news/russian-chess-champion-caught-on-video-trying-to-poison-opponent/ / Versus.al
