Një shpërthim i fuqishëm ka ndodhur në selinë e bazës ajrore turke, TUSAS në Ankara ndërsa raportet thonë se ka pasur edhe të shtëna në zonë.
Dy personat që kanë sulmuar bazën, mësohet se kanë arritur me taksi.
Disa imazhe të shpërndara nga mediat turke tregojnë dy prej të dyshuarve, duke ecur brenda kompleksit me arme automatike.
Në video shihet se kanë qenë të paktën dy sulmues, të cilët qëllojnë në drejtim të njerëzve në postbllok. TUSAS është një prodhues motorësh për industrinë turke të mbrojtjes.
I vendosur në rrethin Kahramankazan, rreth 40 kilometra në veri të qendrës së Ankarasë, kompleksi i madh TUSAS mbulon një sipërfaqe prej katër milionë metrash katrorë.
Gjigandi i mbrojtjes është prodhuesi i aeroplanit të parë luftarak të gjeneratës së pestë të prodhuar në vend, KAAN, si dhe Huryet, aeroplan stërvitor dhe sulmues i lehtë, dhe Hurkus, avion për trajnime dhe mbështetje ajrore.
