Qindra mijëra studentë dhe qytetarë në Beograd demonstruan të premten (17 janar) para studiove të Radios dhe Televizionit të Serbisë, duke kërkuar drejtësi nga presidenti Aleksandar Vuçiç dhe qeveria e vendit për tragjedinë në stacionin e trenit të Novi Sadit kur u shemb çatia që vrau 14 persona.
Përveç llogaridhënies për atë që ka ndodhur, ata kërkojnë që të ketë pasqyrim objektiv të ngjarjeve të tragjedisë dhe të mos “inkurasë përçarje edhe më të madhe mes qytetarëve”.
Shkak për demonstratën masive të së premtes ishte incidenti që ndodhi dje (të enjten) në Beograd, kur një makinë shtetërore u përplas dhe plagosi rëndë një studente protestuese. Ngjarja u kap në video e cila u bë shumë shpejt virale në rrjetet sociale.
Shikoni videon nga protestat e së premtes në Beograd:
