SHBA- Uragani Milton, i cilësuar si "stuhia e shekullit", zbriti në tokë pranë Siesta Key, në bregun perëndimor të Floridës, me erëra deri në 205 kilometra në orë. Uragani u klasifikua si kategoria 3. U urdhërua evakuimi në shtetin Sunshine, ku njerëzit u grumbulluan në strehimore.
Mediat e huaja bëjnë me dije se disa njerëz kanë humbur jetën si pasojë e uraganit, por numri i tyre ende nuk dihet zyrtarisht. Ndërkohë mbi 2 milionë banesa kanë mbetur pa energji elektrike dhe qindra të tjera janë shkatërruar totalisht. Era fryn me një shpejtësi prej 165 kilometrash në orë, ndërsa uragani pritet të humbasë fuqinë pasi të kalojë oqeanin atlantik.
Më herët, presidenti i SHBA-ve, Joe Biden paralajmëroi banorët për “stuhinë e shekullit” dhe u kërkoi të gjenin vende për t’u strehuar. Sipas ekspertëve, ekziston frika për përmbytje dhe stuhi deri në 4.7 metra të larta. Versus.al
