Një video e bërë virale në rrjete sociale tregon momente tronditëse teksa një varkë e mbipopulluar me 60 emigrantë në bord gati po fundosej në Kanalin e La Manshit ditën e sotme (30 gusht).
Sipas medias britanike Dailymail, dëshmitarët okularë thanë se vetëm pak sekonda e ndanin gomonën nga fundosja në korsinë e transportit të Kanalit të La Manshit.
Gomonia po vëzhgohej nga Marina Francize teksa ajo po kalonte në ujërat e Britanisë së Madhe, por që nuk kreu asnjë lloj ndërhyrje për të parandaluar një tragjedi të re.
Pjesa më e madhe ishin vajza të reja dhe nga kombësi të ndryshme, shkruan Dailymail.
Një peshkatar që ishte prezent në vendin e ngjarjes tha:
‘Nuk mund t'ju besoj syve. Ishte shqetësuese. Ata po rrezikonin për një jetë më të mirë. Nëse gomonia do të fundosje do të ishtë tragjedia më e madhe e ndodhur në Kanalin La Mansh. Marina Franceze ishte në distancë gjatë gjithë kohës, duke vëzhguar qartë se çfarë po ndodhte. Kur do të marrë fund kjo çmenduri?"
