Serbi- Shqiptarja, Ardita Sinani nga Partia për Veprim Demokratik ka shpëllur fitoren mbrëmjen e djeshme në Preshevë në zgjedhjet lokale që u mbajtën më 2 qershor.
Sipas rezultateve paraprake të publikuara, PVD ka marrë 4078 vota.
Gjatë fjalimit para mbështetësve të saj, Sinani premtoi se do të qeverisë me përgjegjësi në mandatin 4 vjeçar Komunën e Preshevës.
“Me mençuri politike kemi dëshmu se dimë me udhëheq të gjitha proceset për 30 vite, ky proces ishte shumë i rëndësishëm. Dhe me maturi e me këmbë në tokë duhet ta qeverisim për katër vitet e ardhme, andaj me këtë fitore bindëse më keni ngarkuar me një përgjegjësi për të udhëheq me komunën e Preshevës. Urime me fat”, u shpreh Sinani.
Rezolutatet paraprake në zgjedhjet lokale në Preshevë:
Partia për Veprim Demokratik – 4078 vota – 11 këshilltarë
Partia Demokratike Shqiptare – 3093 vota – 8 këshilltarë
Alternativa për Ndryshim – 2856 vota – 8 këshilltarë
Lëvizja për reforma – 2140 vota – 6 këshilltarë
Aleanca për Luginën – 1154 vota – 3 këshilltarë
Unioni Demokratik Shqiptar – 566 vota – 1 këshilltar
Lista serbe – 641 vota – 1 këshilltar
Ndërsa Fronti për Ndryshim shpall fitoren e zgjedhjeve në Bujanoc.
Kujtojmë se muaj para zgjedhjeve, me urdhër të qeverisë serbe u shkarkua nga posti i kryetarit të komunës së Preshevës, Shqiprim Arifi i cili akuzoi Vuçiçin se shkarkimi kishte të bënte me qëndrimin që Arifi kishte mbajtur ndaj politikave asimiluese serbe. Versus.al
