La femijët pa nënë 7 vite më parë, duke e qëlluar me armë, Gjykata e Lartë lë në fuqi dënimin me burgim të përjetshëm ndaj Fadil Kasemit, i dënuar për vrasjen e bashkëshortes gjyqtare, Fildez Hafizi.
Në Gjykatën e Lartë, Kasemi kërkoi shfuqizimin e vendimit të Apelit të Gjykatës për Krimet të Rënda të vitit 2019, me pretendimin se duhet t’i kishin pranuar kërkesën për gjykim të shkurtuar, që do të shpëtonte nga dënimi i përjetshëm.
Gjatë procesit gjyqësor ndaj tij në shkallët më të ulëta, Kasemi ka mbajtur qëndrim pohues për ngjarjen, ndërsa ka pretenduar se ish-bashkëshortja i kishte kthyer fëmijët kundër dhe se nuk ishte mirënjohës për investimet e bëra karshi saj.
Vrasja e magjistrates Hafizi ndodhi dy vite pas divorcit nga i shoqi dhe u parapri nga konflikte të mëparshme mes të dyve, si ai i vitit 2015, ku Kasemi kërcënoi gjyqtaren me armë në një ambient publik në Golem. Fadil Kasemi qëlloi mbi ish-gruan në 31 gusht të 2017, duke e lënë gjyqtaren Fildez Hafizi të vdekur në vend.
