Shkarkimi i Xavi Hernandez nga posti i trajnerit në një kohë kur duket se ky i fundit kishte vendosur të qëndronte tek Barcelona, ka ngjallur shumë reagime ndaj presidentit Joan Laporta.
Ky i fundit, ka folur për mediat duke zbuluar arsyen pse shkarkoi Xavin edhe pse më herët i kishte kërkuar të ndryshonte vendimin e tij dhe të qëndronte në klub. Ndër të tjera ai zbuloi se bëhet fjalë për ndryshimin e kërkesave të Xavit pas takimit që kishte pasur me drejtorin sportiv, Deco.
“Unë e pranova atë në fund të sezonit sepse Xavi është një ‘culer’ në zemër dhe nuk ishte e mirë që të ndryshojmë trajnerin në mes të sezonit. Ai dukej se nuk ishte në gjendje të vazhdonte me presionin që kishte. Pastaj kishte një konferencë për shtyp që ndryshon diskursin e tij dhe në një takim me drejtorin sportiv aty ku ndryshon kërkesat e tij.
Kjo më bën të mendojë se një shtysë e re duhet t’i dhurohet ekipit për të nxjerrë maksimumin. Ne kishim opsionin e Hansi Flick, i cili duket të jetë në gjendje të konkurrojë ndaj o kujt me këtë ekip”.
Unë mendoj se e kemi përfunduar bashkëpunimin në një mënyrë mjaft elegante me Xavi. Ai e mbajti fjalën e tij, ne e mbajtëm tonën. Ne arritëm një marrëveshje. Ai i ka dyert e hapura sepse është një ‘culer’. Ne e përfunduam mirë dhe tani duhet të rikthehemi tek rruga e fitores”, përfundoi Laporta. Versus.al
