Konferenca e Kryetarëve të Kuvendit në rendin e ditës ka diskutuar mbi mandatin e deputetit Sali Berisha.
Në mbledhje është vendosur që ish-kryeministrit të mos i hiqet mandati.
Sipas kryetarës së Kuvendit Lindita Nikolla mungesa e Berishës në Kuvend është i justifikuar.
“Dua t’i japim fund spekulimeve. Qenia e një personi nën këtë masë nuk mund të konsiderohet si mungesë pa arsye në Kuvend. Jemi konsultuar me njohës të ligjit dhe Kushtetutës”, është shprehur Nikolla në mbledhjen e Konferencës së Kryetarëve.
Deputeti i opozitës Gazment Bardhi përshëndeti vendimin në mbledhjen e konferencës së kryetarëve.
“Kjo i jep fund debatit dhe spekulimeve të sponsorizuara nga segmente të mazhorancës. Ne kërkuam që zotit Berisha, në përputhje me Kushtetutën t’i krijohet mundesia që të ushtrojë të plotë mandatin e deputetit duke marrë pjesë në seancat parlamentare dhe aktivitetet e tjera parlamentare”,
Në dhjetor të vitit të kaluar Berisha u vendos në arrest shtëpie në cilësinë e personit nën hetimit nga SPAK për korrupsion.
