I kërkuari Alban Bruçi

Edhe emri i Alban Bruçit është "familjar" për policinë e Shkodrës. Ai ka rezultuar në disa dosje ku herë ka qenë i dyshuar dhe herë shënjestër plumbash.Por kjo e shtunë duket se e ka gjetur Alban Bruçin "me mendje të mbledhur" për të marrë hakun e të atit të plagosur në 3 qershor të këtij vitit pas një sherri për parkimin. 62-vjeçari Vladimir Bruçi 3 muaj më parë pati një konflikt verbal që përfundoi në përdorimin e forcës me Arlind Kajoshin. Shkak u bë një vendparkim. Në këtë sherr duket se pjesë ka qenë në fund të tij dhe Alban Bruçi, pasi edhe ai vetë rezulton se ka qenë nën hetim për ngjarjen e fillim qershorit.

Ai ishte mes 6 personave të dyshuar të përfshirë në konflikt dhe u shpall në kërkim të përkohshëm, kurse pasi dha deponimin u la i lirë. “Sqarojmë se shtetasi A.B., nuk është në kërkim nga Policia për konfliktin e  ndodhur më datën 3 Qershor 2024. Shtetasi A.B., pas kërkimit policor (për atë ngjarje) është kapur dhe ka dhënë deklarim në lidhje me konfliktin e ndodhur. Pas konsultimit me Prokurorin, ky shtetas është proceduar penalisht dhe ndiqej në gjendje të lirë”, thuhet në njoftimin zyrtar të ditës së sotme.

Por vera nuk ka ndihmuar që të ftohen gjakrat. Alban Bruçi u shpall këtë të shtunën të 7 shtatorit në kërkim për sulmin me armë ndaj Arjon Kajoshit, i cili po lëvizte sot me makinën fuoristradë tip “Land Rover”, me targa AB230EO, të babait të tij, Sokol Kajoshi. Fatmirësisht boksieri kampion i Vllaznisë, 27 vjeçari Kajoshi i ka shpëtuar plumbave që dyshohet se janë zbrasur pikërisht nga i riu Bruçi.

Por kush është Alban Bruçi 

Foto nga atentati ndaj Alban Bruçit

Mbrëmjen e 25 gushtit të dy viteve më parë, Alban Bruçi u bë shënjestër e një atentati me armë. Mbi makinën me të cilën po udhëtonte u derdhën mbi 20 plumba.

“Nuk i njoh autorët, isha duke shkruar në shtëpi”. Kështu ka deklaruar asaj kohe në polici Alban Bruçi, i cili i shpëtoi një atentati në Shkodër në lagjen “Partizani”, pasi autorët qëlluan me breshëri në drejtim të mjetit tip “Audi”. Asnjë prej plumbave nuk e ka kapur të riun, i cili ngjarjes ai shkoi në polici, ku edhe bëri denoncimin. Policia asaj kohe shpalli në kërkim Tornato Fushën 20 vjeç si dhe Bajram Çerkojën 24-vjeç, të dy banues në Shkodrës.

I ndjeri Ismet Çekorja 4 ditë para ekzekutimit

Babai i këtij të fundit, Ismet Çekorja, këmbënguli në ditet e fundit të gushtit të 2022 se i biri nuk kishte gisht në atentatin ndaj Alban Bruçës, por 4 ditë pas këtyre deklaratave, në 2 shtator të 2022, Ismet Çekorja u vra në një atentat në lagjen Kiras në Shkodër. 4 ditë më parë, viktima kishte folur për mediat dke të mbrojtur djalin e tij, Bajram Çekorja, i cili është shpallur në kërkim për atentatin që iu bë më 25 gusht, Alban Bruçit. Natyrshëm dyshimet ranë edhe mbi këtë të fundit, pas ekzekutimit të 57 vjeçarit Çekorja, por pak kohë më vonë policia lokale doli në një komunikim duke sqaruar se Bruçi "nuk kishte gisht" në vrasjen e ndodhur. 

Sokol Kajoshi në mes dhe dy djemtë e tij, Arjon dhe Arlind Kajoshi

Arsyeja e antentatit me armë zjarri të zhvilluar ditën e sotme në Shkodër kundrejt boksierit, Arjon Kajoshi ka qenë një konflikt i vëllait të tij, Arlind Kajoshi më 3 qershor të këtij viti.

Kjo pasi policia identifikoi autorin, i cili rezulton të jetë Alban Bruçi, babai i të cilit u dhunua para 3 muajsh pas një sherri për parkim me pasojë plagosjen e tij, 62-vjeçarit Vladimir Bruçi, ku një nga autorët bëhet me dije të ketë qenë Arlind Kajoshi.

Burime nga policia bëjne me dije se në kërkim për këtë ngjarje u shpallën Izmir Sakicaj, Samet Halluni, Arlind Kajoshi (vëllai i Arjon Kajoshit) , Samuel Troshani dhe Alban Bruçi, ku ky i fundit është edhe autori i atentatit të sotëm./ Versus.al 

Sokol dhe Arjon Kajoshi

Policia ka arritur të identifikojë autorin e atentatit me armë zjarri në Shkodër ndaj të dyshuarit Arjon Kajoshi, mesditën e sotme në lagjen 'Partizani' në Shkodër.

Ai është Alban Bruçi, i cili është shpallur në kërkim nga policia.

Kjo ngjarje mendohet të ketë lidhje me një sherr në qershor të këtij viti në Shkodër.

Kush është Arjon Kajoshi, shënjetsra e këtij atentati dhe zanafilla e konfliktit

Arjon Kajoshi është 27 vjeçari që i shpëtoi atentatit sot në Shkodër në lagjen Partizani.

Ai është boksier i ekipit të Vllaznisë së Shkodrës, duke qenë profesionist në këtë sport ka marrë shumë medalje fituese.

Arjon Kajoshi është shpallur kampion në vitin 2021 në një finale të shoqëruar me incidente, përleshje fizike mes dy ekipeve dhe grupeve, si dhe me akuza e polemika të ndërsjellta.

Ndërsa ditën e sotme po drejtonte automjetin tip Land Rover në pronësi të babait të tij, Sokol Kajoshit, kur u qëllua me dy plumba në pjesën e pasme të makinës.

Pas të shtënave Arjon Kajoshi doli nga automjeti dhe iku me vrap nga vendngjarja.

Tentativa për vrasjen e sotme, dyshohet se ka lidhje me një ngjarje më 3 qershor të këtij viti, kur pas sherrit për parkimin është dhunuar me pasojë plagosjen 62-vjeçari Vladimir Bruçi.

Burime nga policia thanë pas ngjarjes, se 6 persona janë përfshirë, njëri prej të cilëve në pranga dhe 5 në kërkim. Mësohet se i arrestuari ishte Edmond Sakicaj.

Ndërsa në kërkim u shpallën Izmir Sakicaj, Samet Halluni, Arlind Kajoshi(vëllai i Arjon Kajoshit) , Samuel Troshani dhe Alban Bruçi, ku ky i fundit dyshohet se është edhe autori i dyshuar i atentatit të sotëm./ Versus.al 

Pamje nga vendngjarja

Një atenat me armë zjarri është shënuar ditën e sotme në Shkodër kundrejt një automjeti të tipit Land Rover në pronësi të Sokol Kajoshit, në lagjen 'Partizani', shkak për të cilin dyshohet të jetë hakmarrja.

Sipas informacioneve paraprake mësohet se nuk ka të lënduar, ndonëse policia ndodhet në vendngjarje për zbardhjen e rrethanave.

Autorët, të cilët qëlluan me katër plumba nuk janë identifikuar ende, ndërsa drejtuesi i mjetit ndaj së cilit u krye atentati u largua me vrap duke braktisur makinën, ndonëse dyshimet e para janë se ai ka qenë njëri nga djemtë e Sokol Kajoshit.

Policia ka ngritur pika kontrolli në hyrje-daljet e qytetit për kapjen e autorëve.

Konflikti dyshohet ta ketë zanafillën më 3 qershor të këtij viti, pasi Arlind Kajoshi (djali i Sokol Kajoshit) ishte shpallur në kërkim nga policia, pasi dhunoi 62-vjeçarin Vladimir Bruçin.

Ai ishte në mesin e 5 personave që janë shpallur në kërkim në atë kohë.

Policia në Shkodër po pyet dëshmitarë për të vërtetuar cili ka qenë personi që drejtonte mjetin.

Dëshmitar të vendit të ngjarjes kanë deklaruar se mund të jetë Arjon Kajoshi, djali tjetër i Sokol Kajoshit.

Njoftimi i Policisë 

Rreth orës 12:30, në lagjen "Partizani", dyshohet se është qëlluar me armë zjarri në drejtim të një automjeti "Land Rover"  në lëvizje, në pronësi të shtetasit S.K.

Nga të shtënat nuk ka përsona të lënduar.

Shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen  e autorit/ve.'

Grupi hetimor në drejtimin e Prokurorisë po punon për zbardhjen e rrethanave, sigurimin e provave me qëllim identifikimin dhe kapjen e autorit/ve, dhe dokumentimin ligjor të rastit./ Versus.al