Çfarë do të gjeni në brendësi
* Ngjarja e rëndë u shënua në fshatin Malaj të Mirditës, ndërsa 47 vjeçari u përpoq të ndizte automjetin e tij të cilin e kishte parkuar në oborrin e shtëpisë së tij. * 47 vjeçari, Ledovik Syziu të cilit u vendos lëndë plasëse mëngjesin e sotëm në automjetin e tij në fshatin Malaj të Mirditës është vëllai i Dritan Syziut, kreu i bandës së Mirditës, i dënuar me burgim të përjetshëm për vrasjen e një polici. * Policia ka zbuluar një pistë të për ngjarjen e rëndë të ndodhur në fshatin Malaj të Mirditës,ku 47 vjeçari Ledovik Syziu mbeti i plagosur. I dyshuar është vëllai Ledovik, pasi thuhet se kanë pasur konflikt me njeri- tjetrin kohëve të fundit.
Konflikte mes vëllezërish/ Pista e re që po heton policia për shpërthimin në Mirditë
Policia ka zbuluar një pistë të për ngjarjen e rëndë të ndodhur në fshatin Malaj të Mirditës,ku 47 vjeçari Ledovik Syziu mbeti i plagosur.
I dyshuar është vëllai Ledovik, pasi thuhet se kanë pasur konflikt me njeri- tjetrin kohëve të fundit.
Ledovik është vëllai i Dritan Syziu është i dënuar me burgim të përjetshëm për vrasjen e një efektivi, por ende vijon të jetë në arrati.
Iu vu lëndë plasëse në automjet, Ledovik Syziu vëllai i kapo bandës së Mirditës i dënuar me burgim të përjetshëm
47 vjeçari, Ledovik Syziu të cilit u vendos lëndë plasëse mëngjesin e sotëm në automjetin e tij në fshatin Malaj të Mirditës është vëllai i Dritan Syziut, kreu i bandës së Mirditës, i dënuar me burgim të përjetshëm për vrasjen e një polici.
Kush është Dritan Syziu?
Dritan Syziu është një ndër të shumëkërkuarit nga Policia i njohur dhe si drejtuesi i bandës së Mirditës, Llesh Syziu (Ndoj), i cili është dënuar në mungesë me burgim të përjetshëm, për vrasjen e një efektivi policie.
Si ka ndodhur ngjarja?
Syziu, së bashku me 5 persona, është dënuar për vrasjen e një punonjësi policie dhe plagosjen e tre të tjerëve.
Konkretisht, ngjarja për të cilën është dënuar, ka ndodhur me 28 qershor të vitit 2000, ku mbeti i vrarë punonjësi i policisë, Gjon Paçuku.
Referuar prokurorisë, ishin orët e para të mëngjesit kur 6 të pandehurit e bandës së Mirditës, Dritan Syziu, Nikollë Syziu, Bardhok Syziu, Tonin Gjoka e Arjan Reçi vendosën që të grabisnin disa pjesë këmbimi për makina të një parkingu pranë ish-SMT-së së qytetit.
I trembur, roja e parkingut njofton forcat e policisë për ngjarjen që po ndodhte. Menjëherë në vend paraqiten efektivat e policisë, të cilët mendonin se kishin të bënin me një vjedhje modeste. Pasi kanë parkuar makinën jashtë ish-SMT-së, u kanë kërkuar anëtarëve të bandës që të dorëzohen.
Por, reagimi i tyre ka qenë i menjëhershëm duke qëlluar në drejtim të pesë efektivave të policisë, duke lënë të vrarë efektivin Gjon Pacuku dhe të plagosur Nikollë Markun, Bardhosh Jakun e Ndue Çupin.
I shpërtheu mjeti sapo e ndezi plagoset Ledovik Syziu në Mirditë
Ledovik Syziu ka mbetur i plagosur nga një shpërthim në mjetin e tij gjatë orëve të para të mëngjesit të sotëm.
Ngjarja e rëndë u shënua në fshatin Malaj të Mirditës, ndërsa 47 vjeçari u përpoq të ndizte automjetin e tij të cilin e kishte parkuar në oborrin e shtëpisë së tij.
Sipas burimeve zyrtare shpërthimi i cili është shkaktuar nga një eksploziv artizanal ka ndodhur në pjesën e pasme të makinës, që me sa duket dhe i ka kursyer jeten Syziut.
Ledovik Syziu është vëllai i Dritan Syziu, i dënuar me burgim të përjetshëm për vrasjen e një polici gjatë një tentative grabitjeje në vitin 2000. Në atë ngjarje mbetën të plagosur dhe 3 të tjerë.
Njoftimi i Policisë:
Rreth orës 08:05, Salla operative e Komisariatit të Policisë Mirditë është njoftuar se në fshatin Malaj, në oborrin e banesës së shtetasit L.S, në momentin që ky shtetas ka ndezur automjetin, në pjesën e pasme të automjetit ka ndodhur një shpërthim.
Për pasojë shtetasi L.S, është dëmtuar dhe po merr ndihmë mjekësore në Spitalin Rajonal të Mirditës jashtë rrezikut për jetën.
Menjëherë në vendngjarje kanë shkuar shërbimet e Policisë dhe grupi hetimor.
Nga veprimet e para dyshohet se ka shpërthyer lëndë artizanale.
Nën drejtimin e Prokurorisë Grupi hetimor po vijon intensivisht punën për sqarimin e rrethanave të ngjarjes dhe për sigurimin e provave me qëllim zbardhjen dhe dokumentimin ligjor të rastit.
