Një incident i rëndë është shënuar ditën e sotme në Liqenin e Ohrit, ku një traget i linjës Ohër–Shën Naum ka humbur kontrollin për shkak të erës së fortë dhe stuhisë së papritur.

Mjeti lundrues, i nisur nga Shën Naumi drejt qytetit të Ohrit, është shtyrë për gati dy orë nga dallgët e fuqishme, duke devijuar deri pranë fshatit Piskupat, në territorin shqiptar.

Gjatë kohës që trageti ndodhej në ujërat shqiptare, pasagjerët kanë përjetuar momente paniku, por fatmirësisht nuk është raportuar asnjë i lënduar.

Pas qetësimit të motit, trageti ka arritur të rifillojë lundrimin dhe është rikthyer sërish në ujërat maqedonase, duke vazhduar rrugën drejt Ohrit.

Autoritetet lokale të dy vendeve kanë reaguar me shpejtësi dhe kanë monitoruar situatën deri në rikthimin e plotë të stabilitetit në trajektoren e lundrimit./ Versus.al

Lajda Porja

Meteorologia Lajda Porja bën apel për kujdes të shtuar deri në mbrëmje pas stuhisë dhe rrebesheve të forta të shiut që goditën vendin në orët pasdites duke shkaktuar dhe të plagosur. Sipas Porjas priten reshje shiu me intensitet të lartë në qarkun e Shkodrës dhe zonën e jugut dhe juglindjes. Ndërsa kryeqyteti dhe Shqipëria e Mesme pritet të kenë reshje mesatare. Në grafikën e bërë publike prej saj ajo ka ngjyrosur me rozë qarqet me intensitet të lartë dhe jeshile ato me intensitet mesatar. “Bëni kujdes deri në mbrëmje”, shkruan Porja në postimin e saj./ Versus.al

Stuhia e fortë me erëra të fuqishme dhe reshje të dendura shiu që përfshiu sot Shqipërinë ka shkaktuar dëme të shumta materiale, rrëzim pemësh dhe rrezik për qytetarët.

Deri më tani, në spitalin e Traumës janë paraqitur 20 persona të dëmtuar, si pasojë e goditjes nga sende të forta që u shpërndanë në ajër nga era e fuqishme. Nga këta, 10 pacientë vijojnë të marrin trajtim mjekësor.

Ndërkohë, disa qytete janë përmbytur plotësisht për shkak të reshjeve të dendura që shoqëruan stuhinë, duke krijuar probleme serioze në qarkullim.

Autoritetet u bëjnë thirrje qytetarëve që të shmangin lëvizjet e panevojshme dhe drejtuesve të mjeteve që të tregojnë kujdes maksimal në rrugë.

/Versus.al

Policia e Shtetit ka bërë apel për kujdes të shtuar ndaj qytetarëve dhe përdoruesve të rrugës, pas motit të keq me erë të fortë, shi dhe stuhi që ka përfshirë disa qarqe të vendit.

Sipas njoftimit, reshjet e dendura dhe era e fuqishme kanë shkaktuar prani uji në disa akse rrugore, si edhe rënie inertesh dhe thyerje pemësh, duke rritur rrezikun për drejtuesit e mjeteve dhe këmbësorët.

Policia u bën thirrje drejtuesve të automjeteve dhe motomjeteve që të qarkullojnë me shpejtësi të ulët dhe të respektojnë me rigorozitet rregullat e qarkullimit, ndërsa këmbësorët të tregojnë kujdes nga rënia e pemëve, inertëve apo sendeve nga lartësitë e pallateve.

Forcat e rendit ndodhen në terren në të gjitha qarqet për të ofruar ndihmë dhe mbështetje për qytetarët. Policia kërkon bashkëpunim në rast bllokimi të rrugëve ose problemesh të tjera të shkaktuara nga moti i keq, duke u bërë thirrje qytetarëve që të telefonojnë në 112 për çdo rast emergjent dhe të ndjekin udhëzimet e saj.

Njoftimi i policisë:

Nisur nga moti i keq me erë të fortë, shi e stuhi në disa qarqe të vendit, Policia e Shtetit apelon edhe njëherë për të gjithë përdoruesit e rrugës që të tregojnë kujdes maksimal dhe të respektojnë me rigorozitet rregullat e qarkullimit rrugor.

Si pasojë e erës së fortë dhe reshjeve të dendura të shiut, ka prezencë uji në disa akse, inerte dhe thyerje të pemëve.

Drejtuesit e automjeteve dhe motomjeteve të qarkullojnë ngadalë, po ashtu edhe këmbësorët të tregojnë kujdes nga rënia e inerteve, pemëve apo sendeve nga lartësitë e pallateve.

Punonjësit e Policisë në të gjitha Drejtoritë Vendore të Policisë janë prezentë kudo në terren, për të ofruar ndihmë dhe mbështetje qytetarëve, për shkak të motit të keq.
Qytetarët dhe përdoruesit e rrugës të bashkëpunojnë me Policinë, në rastet e bllokimit të rrugëve apo problemeve të tjera për shkak të motit të keq, me qëllim koordinimin e veprimeve me gjithë strukturat e tjera shtetërore.
 

Telefononi në 112 për çdo rast nevoje dhe respektoni udhëzimet e Policisë.

Mesditën e kësaj të shtune kryeqyteti është përfshirë nga moti i keq, me reshje të dendura shiu dhe erëra të forta.

Si pasojë e stuhisë e cila pritet që të vijojë edhe përgjatë orëve të pasdites, Aeroporti “Nënë Tereza” është duke u përballur me një trafik të rënduar pasi avionët janë duke u munduar që të ulen sa më shpejt.

Siç shihet edhe nga të dhënat e siguruara nga Flightradar24 shtatë avionë janë ulur njëri pas tjetrit, ndërkohë që një avion i “Lot Air”, nuk ka mundur që të zbresë për shkak të erës së fortë, pavarësisht manovrave të shumta të pilotit.