Një ditë e pazakontë dhe paprecendentë ka qenë kjo e hënë për klubin e futbollit italian, Milan, që ka vendosur të shkarkojë menjëherë të gjithë drejtuesit dhe trajnerin Alegri.
Igli Tare e pëson pas vetëm një viti në krye të kuqezinjve.
“RedBird” doli me deklaratë zyrtare duke reaguar për situatën në fjalë. Tashmë e ardhmja e Milanit mbetet në ajër, edhe pse tregohet që Zlatan Ibrahimoviç do marrë më tepër përgjegjësi.
DEKLARATA E MILANIT
“Pas zhgënjimit të vitit të kaluar, objektivi i vendosur nga pronarët e klubit ishte rikthimi në Ligën e Kampionëve dhe krijimi i një baze të qëndrueshme për të fituar rregullisht në krye të Serie A.
Për pjesën më të madhe të këtij sezoni, ne ishim në dy pozicionet e para në Seria A, me një mundësi reale për të garuar për “Scudetto”. Megjithatë, faza përfundimtare e sezonit ishte plotësisht në kundërshtim me paraqitjet deri në atë pikë, dhe humbja zhgënjyese e mbrëmshme në ndeshjen e fundit e ktheu sezonin në një dështim të padiskutueshëm.
Tani është koha për ndryshim dhe për një riorganizim të plotë në klubi. Me efekt të menjëhershëm, ne po ndërpresim bashkëpunimin me CEO-n Xhorxho Furlani, drejtorin sportiv Igli Tare, trajnerin Masimiliano Alegri dhe drejtorin teknik Xhefri Monkada. I falënderojmë secilin prej tyre për punën dhe përkushtimin ndaj Milanit gjatë periudhave të tyre në klub.
Njoftime të tjera lidhur me emërimet e ardhshme do të bëhen në kohën e duhur, me synimin për të qenë gati dhe të përgatitur sa më mirë për sezonin e ardhshëm”. Versus.al
