I ftuar së fundmi në emisionin “S’e Luan Topi”, Aldo Marku ka folur sërish rreth raportit të tij me Rizartën, një prej vajzave që u përfshi në dinamikat e njohjeve gjatë qëndrimit të tij në reality show.
Ai tregoi se pas daljes nga shtëpia, ai dhe Rizarta janë takuar disa herë dhe janë në fazën e njohjes.
Aldo përmendi gjithashtu se ish-partnerja e tij, Ana, ka një mendim pozitiv për Rizartën dhe e konsideron një vajzë me vlera, ndonëse shton se “është pak e vogël”.
Komenti i Anës u trajtua me humor nga të pranishmit në studio, pasi rrallë ndodh që një ish-partnere të japë aprovimin për një lidhje të mundshme të ish-bashkëshortit.
Anës kush i pëlqente nga vajzat, që i dukej asaj e përshtatshme për ty, t’a ka thënë? Rizarta, Livia?
I pëlqen Rizarta, vajzë me vlera
Po, po, pak e vogël thotë Ana
Ish-bashkëshorte që të zgjedhë partneren ish-burrit, nuk kisha dëgjuar ndonjëherë. Fantastike
Për hir të së vërtetës, nuk është se po e zgjedh ajo, po jep mendimin e saj
Po pra, në një farë mënyrë po jep zgjedhjen e saj, në këtë kuptim
Patjetër. Po realisht, ty të pëlqyen këto vajza apo ishte thjesht një lloj strategjie në kuadër të lojës? Kjo puna e flirtimeve që t’i je akuzuar aq shumë
Janë ato pëlqimet e momenteve të para. Për shembull me Livian ka qenë diçka e dy javëve të para dhe më pas unë u tërhoqa
Po 2-3 gjëra, ia thashë çfarë më pëlqente. Shkoi si shkoi, nuk mendoj se ka qenë korrekte sjellja e saj, sepse jam treguar shumë i qytetëruar. Nëse e ke zemrën e zënë, ok po tërhiqem.
Po me Rizartën si janë sot raportet?
Rizarta erdhi pas dy muajsh. Dy muaj në atë shtëpi, se mbase në publik nga prime në prime kalon koha shumë shpejt, po aty nga dita në ditë kalon koha shumë avash. Domethënë aty një ditë të duket si një javë. Ne e humbnim konceptin e kohës.
Të eci me Rizartën pasi dole po flasim? A jeni takuar?
Kemi konsumuar nja dy kafe, duke u njohur jemi, nuk shoh asnjë lloj urgjence apo emergjence. Deri tani ok
