"Për herë të parë me ty fola shqip pas shumë vitesh, kam harruar gjithë këto vjet, se studiova anglisht..." Flet për herë të parë Parashqevi Simaku. Ikona e muzikës shqiptare, Parashqevi Simaku, është parë gjatë ditës së djeshme në New York, ku një bashkatdhetare e jona që jeton atje ka pasur rastin ta takojë dhe të shkëmbejë një bisedë të shkurtër e dashamirëse me të.
Një videon e mbërritur në disa redaksi, ajo shfaqet duke folur shqip e anglisht, ndërsa falenderon bashkëkombësen për mbështetjen dhe fjalët e mira.
Zonja që e takoi e këshillon këngëtaren që të mos dorëzohet, ndërsa Parashqevia i shpreh mirënjohjen për përshëndetjen dhe fjalët e ngrohta, duke shtuar se është hera e parë që ajo flet shqip me dikë pas shumë vitesh.
Ylli i muzikës shqiptare në vitet 80-të u filmua disa ditë më parë nga një televizion amerikan, teksa merrte ndihma nga vullnetarë të ndryshëm. Video e shpërndarë nga gazetari Blendi Fevziu në rrjetet sociale brënda pak orëve u bë virale dhe shkatoi një seri "vullkanike" reagimesh nga personazhe të artit, medias e qytetarët e thjeshtë .
View this post on Instagram
Pjesë nga biseda
Tata - Ti nuk beson që jemi shqiptarë?
Parashqevi Simaku: Aspak. Dua të them që ne shqiptarët jemi ajo që kemi mbetur nga Roma, Greqia, Perandoria austriake. Ndaj disa prej nesh kanë ardhur që nga koha e Skënderbeut. Ju e keni ruajtur traditën austro-hungareze.
Tata: Do të jap një buzëkuq. Lyeji pak buzët e kuqe.
Parashqevi Simaku: Të lutem, mos u shqetëso.
Tata: Lyeji, lyeji që të të shohë avokati si yll.
Parashqevi Simaku: E kam shumë më të lehtë të flas anglisht. Me ty për herë të parë kam folur shqip.
Tata: Shumë bukur ke folur.
Parashqevi Simaku: E kam harruar gjithë këto vite.
Tata: Ku të të gjej unë ty? Nuk e kam as telefonin tënd. S’kam as adresën e shtëpisë tënde.
Parashqevi Simaku: Më shkruaj në Facebook. Kërko në Facebook tim dhe do të shohësh fotot e mia, familjen time gjithçka e kam aty.
Tata: Në çfarë ore futesh në Facebook? Do vij sërish, sa e bukur u bëre me buzëkuq. Se di ti sa e bukur u bëre!
Parashqevi Simaku, emigroi në SHBA në fillim tëë viteve 1990. Ajo atje është përballur me sfida të mëdha në jetën personale. Simaku u martua me një shtetas amerikan Robertin, por pas ndarjes, humbi kujdestarinë e djalit të saj, çka siç duket edhe ka ndikuar në gjendjen e saj psikologjike.
Prej vitesh kontaktet e saj me familjarët në Shqipëri janë ndërprerë, ndaj Parashqevia ka qenë pengu më i madh i nënës së saj, e cila ndërroi jetë një vit më parë, pa arritur ta shihte sërish vajzën e saj.
