Ylli i Barcelonës Lamine Yamal po kalon një sezon fantastic këtë vit, sit ek kombëtarja spanjolle me të cilën fitoi kupën e Evropës ashtu edhe me Barcelonën ku aktualisht është njeriu kryesor si golashënues dhe asistues.
Pas fitores 1-4 në transfertë përballë Gironas, Yamal ka shpjeguar edhe diferencën kryesore mes trajnerit aktual Hansi Flick dhe Xavi Hernandez.
Yamal pati paraqitje të mira edhe nën urdhrat e Xavit aty ku zhvilloi plotë 50 ndeshje në të gjitha garat, duke shënuar shtatë gola e duke dhuruar nëntë asistime.
“Të rikthehesh nga kombëtarja është gjithmonë e vështirë, por sot ne ishim shumë të mirë, tashmë jemi duke menduar për ndeshjen e radhës. Çelësi ka qenë që të jemi më direkt, kur ne rikuperojmë topin, mendojmë vetëm se si të shënojmë”, ka thënë Yamal.
Të besuarit e Flick kanë shënuar 17 gola në pesë ndeshjet e para në ligë, e ky është starti më i mirë i Barcelonës që prej sezonit 2017/2018 kur Lionel Messi me shokë kishin shënuar numrin e njëjtë të golave. Para epokës së Messit, klubi e kishte arritur këtë rekord gjatë sezonit 1959/1960. Versus.al
