Ylli i futbollit Cristiano Ronaldo foli për një televizion portugez ku bëri me dije se pritet ta mbyllë karrierën e tij në Arabinë Saudite.
Asi 39-vjeçar ka pohuar se nuk e di se kur do të ndalojë së luajturi futboll, por ndoshta do të jetë te Al Nasr, pasi ai ndihet mirë dhe i lumtur në këtë ekip.
“Nuk e di nëse do të ndalem së shpejti, pas dy apo tre vjetësh. Por me shumë mundësi kjo do të bëhet në Al Nasr. Jam i lumtur në këtë ekip, po bëj mirë dhe ndihem mirë, e njëjta gjë sigurisht për vendin dhe ligën. Kështu që me shumë mundësi do ta mbyll karrierën këtu. Jam shumë i lumtur që luaj në Ligën Arabe dhe dua të vazhdoj”, tha fillimisht ai.
I pyetur se çfarë do të ndodhë pas futbollit, ai tha:
“Është shumë e vështirë. Të bëhem trajner i ndonjë ekipi nuk është diçka që e kam në mendje. Nuk e kam menduar kurrë. Nuk e shoh të ardhmen time kështu, përkundrazi e shoh duke bërë gjëra të tjera jashtë futbollit”.
Përpara transferimit të tij në klubin arabik Ronaldo ka luajtur për skuadrën e Real Madridit, i cili ka mbajtur numrin 7./ Versus.al
