Ditë më parë, banori i Big Brother VIP 4, Xum Allushi rrëfeu sesi ishte ndarë nga partnerja e tij pasi e kishte tradhëtuar. Ai tha se ishte 27 vjeç kur ishte në një lidhje që ndihej shumë i dashuruar, por u zhgënjye shumë dhe kaloi edhe një periudhë depresioni.
“Me një gocë tjetër u ndava se ishte rritur në Amerikë, me kulturë tjetër, ishte princeshë e babit, ishte e llastuar. Më mërziti me një muhabet, i thashë me mirëkuptim dhe u ndamë në 2021. Pas dy javësh u njoha me një gocë. E ndjeja që 27 vjeç do të ndodhte diçka e keqe në jetën time. Njoha një gocë dhe me atë u puqa si puzzle.
Ishte tipi im version femër, kemi bërë shumë gjëra me të. Kam ndenj 6 muaj 24/7. Nga nuk shkonim gjithë kohës. 5 muaj, me atë u dashurova. Ajo femër kishte 100 gjëra, 99 i kishte të këqija ajo femër. 1 gjë e kishte të mirë, unë ia dashuroja atë gjënë e mirë dhe ato 99 nuk ia shihja më ishim mbyllur sytë. Kjo është dashuria për mua. Unë nuk jam tip që kontrolloj shumë, të jap lirinë tënde, por jam qen që nuhas shumë. E nuhata gjënë, unë jam xheloz me shkak, jo pa shkak. I kap telefonin një natë, çfarë nuk pashë.
I thashë ça është kjo, më meku fare. Ua, tha, mos jam në ëndërr, dhe ra prapë në gjumë. Ia tregova telefonin dhe ika. Ishte robi më i gabuar për mua, por më ka zhvilluar si karakter. Aty mora një zhgënjim shumë të madh, kapa një fazë depresioni në jetë nga kjo gjë”, tregoi Xumi.
Por sipas “Panorama.al” vajza në fjalë është disa vite më e madhe se konkurrenti i Big Brother. E ardhur nga një martesë e dështuar me parë dhe me një fëmijë, ajo dhe Xumi u njohën nga miq të përbashkët dhe lidhja e tyre u bë tepër intensive.
Vajza në fjalë, është një imazh i njohur edhe në TikTok, ku shpesh herë del në live apo në situata të ndryshme. Versus.al
