Kylian Mbappe tashmë një lojtar i Real Madrid ka shënuar dy herë në ndeshjen e katërt të La Liga, ndonëse tre të parat i kaluan pa gjetur rrjetën.
Mbappe bëri golin e parë pas një pasimi të mrekullueshëm nga Valverde.
Pak minuta më vonë ai shënoi golin e dytë me penallti.
Mbappe e konsideroi ndeshjen ndaj Real Betis si të vështirë, por e rëndësishme për të ishte fitorja.
“Moment i madh, prisja të shënoja në këtë stadium mitik, më i miri në botë. Sidoqoftë, e rëndësishme ishte fitorja. Pas Las Palmas ishte e rëndësishme të fitonim. Ishte një ndeshje e vështirë, por ne jemi Real Madridi”, tha ai para kamerave.
Teksa u pyet se nëse është pasardhësi i Cristiano Ronaldos, Mbappe u përgjigj se nuk i pëlqen ta krahasojnë me askënd përvëçse t’i drejtohen në identitetin e tij.
“Nuk është presion, është futboll. Të gjithë e dinë respektin që kam për Cristianon, por unë jam Kylian. Presioni i vetëm që kam është përshtatja sa më shpejt me ekipin. Kam ardhur në këtë klub natyrshëm, me përulësi, me dëshirën për të kaluar mirë edhe jashtë fushës me shokët e mi dhe klubin, si me Vinin ashtu edhe me të tjerët. Kemi një grup të jashtëzakonshëm, janë të gjithë njerëz të mëdhenj, përveçse lojtarë të mëdhenj”, tha Mbappe./ Versus.al
