Real Madridi ka njoftuar sot edhe zyrtarisht transferimin e Kylian Mbappes, pas shumë vitesh përpjekje për ta joshur futbollistin francez që të transferohet në Spanjë.
Mbappe u transferua tek Real Madridi si futbollist i lirë pasi kontrata e tij me Paris Saint-Germainin do të skadojë më 30 qershor të këtij muaji.
25-vjeçari kishte qenë shumë pranë kalimit tek Real Madridi në verën e vitit 2022, por që në fund vendosi ta vazhdojë bashkëpunimin me PSG-në.
Dy vite më vonë ai e ka realizuar atë që ai e cilëson si ëndrrën e tij të fëmijërisë, duke u bërë pjesë e 15-të herë kampionit të Evropës.
“Një ëndërr e bërë realitet. Shumë i lumtur që jam pjesë e klubit të ëndrrave të mia. Është e pamundur që t’ua shpjegoj sa i lumtur dhe i emocionuar ndihem tani. Mezi po pres që të ju shoh juve madrilenëve dhe faleminderit për mbështetjen e jashtëzakonshme. Hala Madrid”, ishin fjalët e para të francezit si lojtar i Real Madridit.
Mbappe tani do të fokusohet tërësisht tek Kampionati Evropian ‘Euro 2024’ ndërsa pas përfundimit të saj, Real Madridi pritet që të organizojë një pritje fantastike për të.
Un sueño hecho realidad.
— Kylian Mbappé (@KMbappe) June 3, 2024
Muy feliz y orgulloso de formar parte del club de mis sueños @realmadrid Es imposible explicar lo feliz y emocionado que me siento en este momento. Estoy impaciente por veros, Madridistas, y gracias por vuestro increíble apoyo.
¡Hala Madrid! ????????????
A… pic.twitter.com/YTumusAXT6
