Që prej kësaj të premte të 13 shtatorit, Dafina Zeqiri do të jetë znj. Gjergji. Këngëtarja e njohur i ka dhënë fund beqarisë. Ditën e sotme, Dafina ka zhvilluar siç duket ceremoninë civile të celebrimit me partnerin e saj, Kreshnik Gjergji.
Nga fotot duken unazat e martesës në durt e kryqëzuar dhe në tavolinë janë dhe lulet që mbajnë zakonisht nuset. Gjithashtu në thonjtë e Dafinës, lexohet ‘Mrs’, që nënkupton se i ka dhënë fund beqarisë.
Bëhet me dije se në muajin tetor çifti i njohur do të zhvillojë edhe dasmën, në Prishtinë.
Kujtojmë se Dafina është në lidhje me Kreshnik Gjergjin prej më shumë se një viti.
“Kreshnikun e njoh prej 15 vitesh, e kam shok shumë të mirë, e kam dashur shumë. Ai ka qenë gjithmonë aty për mua. E kam marrë në telefon edhe kur kam qenë zemërthyer. Në asnjë moment nuk e kam ditur që ai ka një pëlqim tjetër për mua. E kam konsideruar si familje, që në fillimet e mia të karrierës. Thonë ndonjëherë që e ke dashurinë e jetës aty, po s’e sheh. Është gjëja më e mirë që më ka ndodhur në jetë. Kur erdhi momenti që u lidhëm, në fillim, isha në shok. Është gjëja më e mirë që ka ndodhur në jetën time. Jam bashkë me shokun tim të jetës, që e di si të më bëjë të lumtur dhe të më mbështesë”, ka thënë në një prej intervistave të mëpërparshme, këngëtarja. Vetëm pak javë më parë, për ditëlindjen e partnerit të saj, Dafina i bleu një makinë ëndrrash Kreshnikut, një Ferrari tepër të bukur
