Pas përfundimit të grumbullimit me Kombëtaren Shqiptare për ndeshjet ndaj Serbisë dhe Letonisë, sulmuesi Nedim Bajrami është nderuar në mënyrë të veçantë në qytetin e tij të lindjes, Tetovë.
Një mural madhështor është realizuar në një nga hapësirat publike të qytetit, duke përjetësuar një nga momentet më të paharrueshme të karrierës së tij — golin e shënuar ndaj Italisë në Euro 2024, vetëm 23 sekonda pas nisjes së ndeshjes në Dortmund.
Kryetari i Bashkisë së Tetovës, Bilall Kasami, gjatë ceremonisë së organizuar me pjesëmarrjen e shumë qytetarëve, theksoi rëndësinë e këtij nderimi:
“Nedim Bajrami, djali i Tetovës dhe krenaria e shqiptarëve, sot u vendos në zemrën e qytetit me një mural që flet me zemër – një zemër kuqezi.”
Ky mural simbolik jo vetëm që përkujton një moment historik për futbollin shqiptar, por gjithashtu e përforcon lidhjen mes Bajramit dhe qytetit të tij, duke e kthyer atë në një figurë frymëzuese për brezat e rinj.
View this post on Instagram
