Prej disa ditësh, Big Basta është bërë pjesë e sezonit të dytë të Ferma VIP, por hyrja e tij në këtë spektakël është shoqëruar me shumë "zëra" e thashetheme rreth jetës së tij personale e martesës me këngëtaren Vesa Luma.
Ndërsa prej ditësh përflitet për një krizë në martesën e tyre, për shkak të mungesës së çdo reagimi apo postimi nga ana e Vesës dhe fakti që ai, në hyrje, përshëndeti vetëm djalin e tyre – duke mos e përmendur fare emrin e bashkëshortes – kanë ngritur dyshime të mëdha në publik, mes komentuesve në rrjete sociale. Flasin të gjithë veç Vesës, e cila nuk dihet nëse po shijon këtë "lojë' e 'lagu -se lagu' me fansat e çiftit apo po jeton në qetësi ditët pa Big Bastën.
Por ky i fundit prej dy ditësh ka nisur që të flasë për Vesën. Dje gjatë një bisede me banoren e Fermës Silvana Bushatin, vendosi të sqarojë njëherë e mirë ndjenjat dhe qëllimin e tij në spektakël:
“Nuk kam ardhur këtu për të rënë në dashuri, fare çka flet. Unë jam shumë i dashuruar në Vesën. Kemi një fëmijë të vogël.”
Ndërsa sot ka çuar edhe më tej këtë mesazh, duke kënduar këngët më të famshme të Vesa Lumës, e në fund duke i thënë qartë e pastër: "Të dua..."
Siç duket, të paktën njëri prej çiftit ka vendosur që të jetë i sinqertë me publikun
Vieë this post on Instagram
