Kryebashkiaku i Kolonjës, Erion Isai i cili më herët ka qenë pjesë e spektakleve të humorit, ka sqaruar marrëdhënien me ish-kolegun e tij Bes Kallakun me të cilin ishte përfolur më herët se kishte pasur zënka.
Në podcastin “N’SPAK”, Erioni tha se në 19 vite shoqëri me Bes Kallakun, nuk kishte pasur asnjë zënkë me të. Për ta vërtetuar këtë telefonoi edhe Besin i cili e konfirmoi, sigurisht duke bërë edhe një shaka.
Moderatori: Nuk jeni zënë me Besin, se ç’dolën ca fjalë kështu…
Erion Isai: Kurrë! Unë me Bes Kallakun, 19 vjet nuk kemi pasur hatërmbeteje një herë. Kjo është për meritë të Besit se unë jam gërnjar sa të duash.
Erion Isai: 19 vjet, a jemi zënë ndonjëherë o zemra?
Bes Kallaku: Po, jemi kapur njëherë prej flokësh te ato, te Instagram-i.
Erion Isai: Sapo thashë në intervistë që as hatërmbetje s’kemi pasur ndonjëherë, por kjo është meritë e Bes Kallakut se të ishte për mua ishim zënë nja 100 herë me këtë natyrë që kam.
Bes Kallaku: Jo more jo! Është meritë e dy shpirtrave të pastër me njëri-tjetrin.
Kryebashkiaku tha se që pas zënkave për teatrin kombëtar, kishte vendosur të mos përfshihej në konflikte me ish-kolegët e tij.
“Më kanë lënë një shije të hidhur ato kacafytjet atëherë dy vite për Teatrin kombëtar edhe nuk dua të përfshihem më në këto konflikte me kolegët e profesionit bazë. Për shembull kur shoh replikat që pata asokohe me Gent Zenelajn, më vjen turp”- u shpreh Isai. Versus.al
