Këngëtari i njohur grek, Konstantinos Argyros, i cili disa herë ka tejmbushur sallat e koncerteve në Tiranë, Korçë apo Gjirokastër, ka njoftuar me gëzim se është bërë baba për herë të parë.
Partnerja e tij, Alexandra Nikas, e cila është 25 vjeçe, ka sjellë në jetë një djalë më 22 nëntor 2024, në orën 15:30. Çifti ka zgjedhur emrin Vassilis për të voglin, një emër që është një nderim për babain e Konstantinos Argyros.
Lidhja e Konstantinos me Alexandra Nikas u bë publike për herë të parë në mars të vitit 2023, kur ata konfirmuan marrëdhënien e tyre. Alexandra Nikas është një vajzë që nuk ka lidhje me industrinë e muzikës, pasi ajo vjen nga një familje e njohur tregtare në Greqi. Ajo është vajza e Giorgos Nikas, një biznesmen i njohur grek. Kjo është një fazë e re dhe emocionuese për këngëtarin, i cili tashmë është baba i një djali, duke shënuar kështu një kapitull të ri në jetën e tij personale.
