Kombëtarja shqiptare po përgatitet për një sfidë vendimtare ndaj Letonisë në kualifikueset e Europianit. Trajneri Sylvinho, në një intervistë për mediat, foli hapur mbi gjendjen e skuadrës, zgjedhjet e tij dhe situatën e disa lojtarëve kryesorë.
Ai theksoi se nuk është momenti për eksperimente, por për të konsoliduar lojën dhe për të marrë maksimumin në një ndeshje që mund të përcaktojë rrugëtimin drejt Euro 2028.
Pyetje: Nuk ka ndryshime, mungojnë vetëm të dëmtuarit. I ke besuar lojës që kemi zhvilluar në qershor?
Sylvinho: Kemi bërë gjysmën e rrugës, por tani koha nuk është në anën tonë. Është një ndeshje shumë e rëndësishme me Letoninë dhe duhet të përgatitemi shumë mirë. Sa i përket Ismajlit, ka një dëmtim të vogël dhe sapo është transferuar në një skuadër tjetër. I thashë të jetë i qetë, të pushojë dhe të rikthehet 100 për qind në formë. Ne nuk ndryshojmë lojtarë, përveç rasteve kur dikush tjetër mund të japë më shumë. Kam shumë besim te lojtarët e mirë. Kush nuk dëshiron të vijë, e lë menjëherë jashtë. Ata që janë këtu duhet të jenë krenarë dhe të japin maksimumin. Nuk është momenti për të eksperimentuar.”
Pyetje: Në ndeshjen e fundit pati kritika për rezultatin. Do të ketë ndryshime në strategji? Keni folur me Bajramin dhe Muçin?
Sylvinho: Po, do të ketë disa ndryshime në lojë. Kemi edhe një miqësore ku do të aktivizojmë lojtarë që nuk janë parë shpesh. Bajrami dhe Muçi nuk mund të harrohen, ata kanë qenë pjesë e rrugëtimit tonë. Bajrami bëri një Europian të madh, edhe pse tani nuk po kalon momentin më të mirë. Muçi ka pasur një dëmtim të vogël, por luajti 45 minuta në ndeshjen e fundit. Te këta lojtarë ne kemi shumë besim.”
Pyetje: A keni pasi dilema dhe a keni menduar për emra të rinj?
Sylvinho: Kam pasur shumë dilema. Puna me Kombëtaren nis shumë kohë më parë. Kam nisur të mendoj për listën që në gusht. Përvoja që patëm në Letoni është shumë e rëndësishme dhe nuk mendoj se është momenti të sjellim futbollistë të rinj. Duhet të jenë pjesë futbollistë që janë mësuar me skemat dhe përgjegjësitë tona. Kam folur shumë këto dhe ne kemi besim se futbollistët që kemi zgjedhur do të bëjnë mirë.
Pyetje: Kur nuk e thërrasim një lojtar në miqësore, kur do jetë momenti i tij?
Sylvinho: Kur nuk e thërrasim një lojtar në miqësore, kur do jetë momenti i tij?Kemi 3 futbollitë që kanë bërë një rrugëtim me U-21 dhe ende nuk kanë performuar një pjesë të plotë në fushë. Ne nuk mund të grumbullojmë 30 futbollistë dhe të krijojmë 2 skuadra. Secili prej nesh do të ketë momentin e tij. Më duhet të vlerësojmë futbollistët që kanë bërë një rrugëtim deri tani dhe për të rinj do të ketë një kohë tjetër.
