Kiara Tito
Prezantuesja e njohur Kiara Tito po përjeton një humbje të madhe, pasi është ndarë nga jeta gjyshja e saj e dashur, Maria, në moshën 94-vjeçare.
Lajmin e hidhur e ka ndarë vetë Kiara në rrjetet sociale, duke publikuar dy foto prekëse.
Në njërën prej tyre shihet ajo gjatë pritjes së ëmbël, e ulur pranë gjyshes, ndërsa në tjetrën shfaqet vajza e saj, Luna Mari, teksa përqafon plot butësi stërgjyshen.
“Lamtumirë Nana Maria e dashur. Do më mungojë gjithmonë zëri yt, përqafimi yt dhe lutjet e tua. U prehsh në paqe,” ka shkruar Kiara në një dedikim të ndjerë, shoqëruar me simbole paqeje dhe dashurie.
Ngushëllime të sinqerta për Kiara Titon dhe familjen e saj.
