Sulmuesi portugez Cristiano Ronaldo ka zbuluar së fundmi arsyen përse nuk e sheh veten si trajner në të ardhmen.
Arsyeja themelore është se Ronaldo i sheh futbollistët e rinj si të painteresuar për këshilla lidhur me mënyrën sesi mund të përmirësohen. Kjo gjë duket se e acaron së tepërmi portugezin i cili tha se më së shumti është i interesuar për pjesën e biznesit sesa të jetë trajner.
“Për mua do të jetë e vështirë që të bëhem trajner një ditë, sepse nuk e kam pasionin për këtë gjeneratë. Është e vështirë veçanërisht në futboll, sepse ata nuk pranojnë këshilla nga eksperienca jonë. Ata mendojnë se dinë gjithçka, ata mendojnë se telefonat do t’i dhurojnë një edukim të mirë, TikTok-u, Instagrami. Unë kam gjëra tjera për t’u shqetësuar, një tjetër kapitull në jetën time është pjesa e biznesit për të cilën jam i emocionuar”. Do të jetë një mision për mua që të mësojë fusha të tjera të cilat nuk i di, të jem i përfshirë në bizneset e mia dhe mendoj se do jetë diçka e mirë”, ka thënë Ronaldo.
Portugezi i cili ditë më parë shënoi rekord të ri me golin e 900-të në karrierë do të rikthehet në aksion sot (e premte) pasi Al Nassr do të jetë nikoqir i Al Ahli në kuadër të Superligës së Arabisë. Versus.al
