Lista e publikuar nga Sylvinho me lojëtarët e ftuar për kampionatin “Euro 2024” ka sjellë befasi për faktin se ishin lënë jashtë Myrto Uzuni dhe Sokol Cikalleshi.
Sa i takon sulmuesit beratas, ka reaguar menaxheri i tij Franci Bode i cili duke iu referuar statistikave të Uzunit tha se futbollisti është më i mirë se 5 prej sulmuesve të tjerë të cilët ishin ftuar nga Sylvinho për kampionatin europian.
“Kur ëndrra jote është ta përfaqësosh vendin tënd në nivelin më të lartë të garave! Si mund ta lini jashtë një lojtar me 11 gola në La Ligan spanjolle?”
Bazuar në statistikat aktuale ai është më i mirë se 5 nga 6 lojtarët sulmues në ekipin tonë kombëtar për Euro 2024. Ai gjithmonë feston me simbolin e shqiponjës për të treguar se është krenar që është shqiptar, që lufton për fanellën që vesh si një luan. Nuk e meriton këtë! Padrejtësi”- shkruan në reagimin e tij, Franci Bode.
Gjatë këtij sezoni, Myrto Uzuni arriti të shënojë 11 gola në La Liga por fatkeqësisht skuadra e tij Granada nuk arriti të siguronte mbijetesën në kampionatin elitar spanjoll.
