Bleona Qerreti, këngëtarja shqiptare me famë ndërkombëtare, ka çuar në Gjykatën e Lartë të Nju Jorkut në Queens padinë kundër Evi Kokalarit, kërkuar dëmshpërblim prej 2 milionë dollarësh.
Në akt-ndaj, Bleona deklaron se Kokalari nisi një fushatë shpifjesh dhe dezinformimi duke përhapur akuza të pavërteta se ajo është prostitutë, “call girl”, striptiste dhe artiste kabareje.
Më tej, Kokalari akuzohet se shpiku edhe thashetheme se Bleona kishte lidhje me figura të njohura politike, përfshirë pretendimin se një politikan i lartë donte të ndante gruan për tu martuar me një moderatore të njohur apo që një ish-president shqiptar ishte në lidhje me një këngëtare të famshme shqiptare — deklarata që sipas avokatëve janë tërësisht të rreme.
Bleona sqaron se miqësia me Kokalarin filloi në vjeshtën e vitit 2020, por u shndërrua në armë për ndjekje dhe shantazh, në momentin që fama e saj rrezikoi të thyente ambiciet e Kokalarit në fushën politike dhe mediatike.
Avokatët e Bleonës kërkojnë jo vetëm tërheqjen e çdo deklarate shpifëse, por edhe kompensim financiar minimal prej 2 milionë dollarë, si dhe dëmshpërblime ndëshkuese, interes, shpenzime dhe çdo tjetër që gjykata vlerëson të drejtë.
Nga ana e saj, Evi Kokalari ka reaguar, duke e cilësuar padinë si një përpjekje për të sulmuar imazhin e saj. Ajo paralajmëron se ka dëshmitarë të gatshëm për të provuar të kundërtën
