Kombëtarja shqiptare e futbollit ka programuar dy ndeshje të rëndësishme në shtator.
Më 4 shtator, kuqezinjtë do të luajnë një ndeshje miqësore në udhëtim kundër Gjibraltarit, ndërsa më 9 shtator në Tiranë do të presin Letoninë në një sfidë që nis në orën 20:45 dhe vlen për Grupin K të kualifikimeve për Kupën e Botës 2026.
Trajneri Sylvinho ka publikuar edhe listën e futbollistëve të grumbulluar për këto duele, ndërsa seanca e parë stërvitore do të zhvillohet më 1 shtator.
Grumbullimi fillon në Malaga, ku Kombëtarja do të përgatitet për miqësoren ndaj Gjibraltarit që do të luhet në stadiumin “Europa Point” në orën 18:00.
Pas kësaj, më 5 shtator, kuqezinjtë do të rikthehen në Tiranë për të vijuar përgatitjet për ndeshjen kualifikuese ndaj Letonisë në stadiumin “Air Albania”.
Në Grupin K të Kupës së Botës 2026, Shqipëria mban vendin e dytë me pesë pikë pas katër ndeshjeve, katër më pak se Anglia, që kryeson grupin. Serbia ndodhet në vendin e tretë me katër pikë, por ka dy ndeshje më pak të luajtura.
Lista e grumbulluar e futbollistëve:
Portierë: Thomas Strakosha, Elhan Kastrati, Mario Dajsinani
Mbrojtës: Elseid Hysaj, Ivan Balliu, Mario Mitaj, Naser Aliji, Marash Kumbulla, Adrian Bajrami, Berat Gjimshiti, Arlind Ajeti
Mesfushorë: Ylber Ramadani, Juljan Shehu, Kristjan Asllani, Medon Berisha, Qazim Laçi, Adrion Pajaziti, Nedim Bajrami, Arbër Hoxha, Ernest Muçi, Jasir Asani
Sulmues: Armando Broja, Myrto Uzuni, Rey Manaj, Mirlind Daku/Versus.al
