Ditën e diel, vendi ynë do të jetë nën ndikimin e masave ajrore relativisht të paqëndrueshme, duke sjellë ndryshime të dukshme të motit. Sipas Shërbimit Meteorologjik Ushtrarak temperaturat maksimale dhe minimale do të luhaten nga -1 gradë Celsius në zona si Bajram Curri e Peshkopia deri në 18 gradë Celsius në Tiranë apo dhe në Elbasan e Fier
Parashikohen vranësira të shpeshta me intervale kthjellimesh, ndërsa në jug të vendit reshjet e shiut do të jenë me intensitet të ulët dhe priten të zgjasin deri në orët e mesditës.
Era do të fryjë nga kuadrati i veriut me shpejtësi mesatare deri në 7 m/sek.
Deti do të ketë valëzim të forcës 2-4 ballë në detet Adriatik dhe Jon.
Pas reshjeve të ditës, temperaturat do të bien ndjeshëm dhe pritet që në shumë zona të shkojnë nën zero gradë Celsius.
