Bes Kallaku dhe Xhensila Myrtezaj i kanë dhënë fund martesës së tyre dhe zyrtarisht.
Sipas vendimit të Gjykatës së Tiranës aktori i njohur duhet t’i paguajë këngëtares 1.5 mijë euro çdo muaj, ndërsa Myrtezaj do të kujdeset për rritjen dhe edukimin e dy fëmijëve të tyre, Ajka dhe Amen.
Kallaku ka të drejtë t’i marrë dhe t’i takojë fëmijët disa herë në muaj gjatë fundjavës si dhe 15 ditë për pushime në muajin gusht.
Pavarësisht zgjidhjes së martesës, mister mbeten arsyet dhe ndarja e pasurisë. Kallaku dhe Myrtezaj kanë blerë një shtëpi me vlerë mbi 1 milionë euro pranë Kopshtit Zoologjik, një nga zonat e shtrenjta të Tiranës. Në maj të vitit 2021, Xhensila Myrtezaj ka hapur një klinikë dermoestetike te Liqeni i Thatë.
Në një intervistë dhënë me Arbana Osmanin vitin e kaluar, Xhensila u shpreh se procedurt për divorc ishin inicuar nga vetë ajo. Kriza mes çiftit u kuptua si fillim kur ata nuk e ndiqnin më njeri-tjetrin në rrjete sociale, ndërsa më pas nuk u panë më bashkë në evente apo ambiente të përbashkëta./Versus.al
