Lauren Sánchez, fejuarja e miliarderit Jeff Bezos, po qëndron sërish në qendër të spekulimeve publike dhe mediatike, këtë herë për ndryshimet e dukshme në pamjen e saj fizike.
Prej kohësh, Sánchez ka tërhequr vëmendjen për stilin e saj të jetesës luksoze dhe paraqitjet e kujdesura në publik, por pamja e saj e fundit ka nxitur diskutime të shumta në rrjetet sociale dhe në media rreth mundësisë së ndërhyrjeve estetike.
Sipas ekspertëve të kirurgjisë plastike që kanë folur për mediat ndërkombëtare (pa e ekzaminuar atë drejtpërdrejt), ndryshimet përfshijnë procedura si lifting fytyre, mbushje në buzë, botoks dhe ndoshta rinoplastikë, të cilat, sipas tyre, kanë sjellë një transformim të dukshëm të tipareve të saj.
Megjithëse vetë Lauren nuk ka konfirmuar asnjë ndërhyrje, ajo ka qenë gjithmonë transparente për rëndësinë që i jep kujdesit ndaj vetes, stërvitjes dhe stilit të jetesës së shëndetshme.
Ndërkohë, publikimet në rrjetet sociale tregojnë se ajo vijon të jetë aktive në projekte filantropike dhe evente të rëndësishme krahas partnerit të saj, Jeff Bezos. /Versus.al
