Tashmë është zyrtare, Jennifer Lopez dhe Ben Affleck po divorcohen për herë të dytë.
Sipas faqes TMZ, ishte JLo që dorëzoi dokumentet e divorcit në Los Anxhelos të martën në të njëjtën ditë me dyvjetorin e ceremonisë së martesës së tyre të mbajtur në Gjeorgji.
Lopez renditi datën e ndarjes si 26 Prill 2024, që do të thotë se ata nuk kanë qenë çift për gati katër muaj.
Pas një lidhjeje që zgjati dy dekada, dy fejesa, dy martesa Jennifer Lopez është ndarë zyrtarisht nga Ben Affleck.
Në maj, Lopez anuloi turneun e saj veror "This Is Me… Now", me një deklaratë ku shkruhej: "Jennifer po merr pushim për të qenë me fëmijët, familjen dhe miqtë e saj të ngushtë".
Ata janë fotografuar së bashku për herë të fundit në maj.
Affleck mungonte dukshëm në festën e ditëlindjes së 55-të të Lopez-it në Hamptons në korrik.
Ata gjithashtu nuk ishin bashkë në përvjetorin e dytë të martesës në Vegas në të njëjtin muaj.
Në fillim të viteve 2000, dyshja e quajtur "Bennifer" ishin çifti më i përfolur në botën e Hollivudit. Ata e anuluan papritur dasmën e tyre në vitin 2003 dhe u ndanë disa muaj më pas.
Lopez dhe Affleck u lidhën përsëri në vitin 2021. Lopez u shpreh se “20 vjet më pas, kemi një fund të lumtur"./Versus.al
