Ish-konkurrentja e “Big Brother VIP Kosova”, e njohur për publikun si Bia, ka rikthyer vëmendjen në rrjetet sociale pasi publikoi një video ku hedh akuza të ashpra ndaj produksionit të spektaklit.
Në pamjet e shpërndara, ajo shfaqet jashtë studios duke pretenduar se nuk është lejuar të futet për të marrë pjesë në natën finale. Sipas saj, ky vendim lidhet me deklaratat që kishte bërë menjëherë pas eliminimit nga shtëpia.
Bia thotë se dëshironte të ishte e pranishme në mbrëmjen përmbyllëse, njësoj si ish-banorët e tjerë, por pretendon se produksioni ia ka mohuar këtë mundësi. Ajo ka shprehur kritika të forta, duke lënë të kuptohet se marrëdhënia e saj me produksionin është tensionuar pas daljeve publike që bëri pas përfundimit të eksperiencës në reality show.
Nuk e paskan lon Bian me hy brenda sa te flliqt, Olsa muhameti o raciste #bbvipks4 pic.twitter.com/Dnslk4Vr2o
— lelaaaaa (@lelaaflok) February 27, 2026
Videoja është shpërndarë me shpejtësi në rrjetet sociale, duke nxitur reagime të shumta nga ndjekësit. Disa e kanë mbështetur, ndërsa të tjerë kanë kërkuar sqarime nga ana e produksionit lidhur me pretendimet e saj.
