Pas shumë vitesh heshtjeje dhe spekulimesh të shumta në media për jetën e tij private, aktori hollivudian Brad Pitt ka vendosur të thyejë heshtjen dhe të flasë publikisht për ndarjen nga Angelina Jolie. Në një intervistë të gjatë dhe të sinqertë për një revistë prestigjioze amerikane, Pitt u shpreh se “divorci nuk ishte ndonjë gjë e madhe”, duke befasuar shumë prej ndjekësve të tij.
“Jeta ime personale është gjithmonë në lajme, shpeshherë më shumë se sa puna ime si aktor. Kam mësuar të jetoj me këtë”, tha ai. Pitt tregoi se ka kaluar një periudhë reflektimi të thellë pas ndarjes dhe se ka vendosur të mos e shohë më divorcin si dramë, por si një etapë normale të jetës.
I pyetur nëse marrëdhënia me Jolie është ende e tensionuar, ai shmangu komentet direkte, por theksoi se fëmijët janë përparësia e tij absolute. “Çdo gjë që bëj, e bëj për të ruajtur ekuilibrin dhe mirëqenien e fëmijëve. Kjo është ajo që ka më shumë rëndësi për mua,” u shpreh aktori.
Divorci mes Brad Pitt dhe Angelina Jolie, që dikur ishin konsideruar si “çifti i artë” i Hollywood-it, u bë zyrtar në vitin 2016, pas më shumë se një dekade së bashku dhe disa vite martesë. Procesi i ndarjes ishte i mbushur me tensione ligjore, veçanërisht për kujdestarinë e fëmijëve.
Megjithatë, me fjalët e tij të fundit, Pitt duket se po i jep fund zërave të pafundëm mbi një marrëdhënie që tashmë i përket së kaluarës. Ai konfirmoi se aktualisht është i përqendruar te projektet artistike dhe se ndihet më i qetë dhe më i vendosur se kurrë për të jetuar një jetë të ekuilibruar. /Versus.al
