Ben Affleck duket se ka ende ndjenja për ish-bashkëshorten e tij, Jennifer Garner, pasi, sipas një burimi të afërt me të që foli për Page Six, aktori "do të donte një shans tjetër" në lidhjen e tyre.
Siç thotë ai, aktori "do të ishte patjetër i hapur për t'i dhënë një shans të dytë lidhjes së tij me Jennifer, nëse rrethanat e lejonin. Megjithatë, siç thekson i njëjti person, "Ben e di se kjo nuk është realiste në këtë pikë të jetës së tyre".
“Ben sapo doli nga martesa dhe finalizoi divorcin nga Jennifer Lopez, ai është shumë i zënë me punën e tij dhe i fokusuar në këtë kapitull të ri”, shpjegon burimi. Në të njëjtën kohë ai thekson se “Ben respekton marrëdhënien e Jennifer-it me John Miller dhe nuk do të donte kurrë të hynte mes tyre”.
Megjithatë, një person tjetër i tha Page Six se ndjenjat nuk janë të ndërsjella. "Jennifer është e lumtur me John dhe këtë mundësi rikthimi ajo nuk e konsideron fare." Ajo ka një marrëdhënie të shkëlqyer bashkë-kujdestarie me Benin dhe kjo është ajo që ka rëndësi për të tani”, tha ai.
Aktorja 30-vjeçare është në një lidhje me John Miller që nga viti 2018. Jennifer Garner u nda nga Ben Affleck në vitin 2015, pas një dekade së bashku. Megjithatë, ata kalojnë kohë së bashku dhe së fundmi janë parë duke qeshur dhe duke biseduar në festën e 13-vjetorit të djalit të tyre, Samuelit.
