Pas një periudhe larg syrit të publikut, Selvije Jao është rikthyer me një mesazh të sinqertë dhe prekës për ndjekësit e saj në rrjetet sociale. Gjatë një sesioni pyetje-përgjigje, ajo ka folur për një nga rolet më të rëndësishme në jetën e saj — atë të të qenit nënë.
E komplimentuar nga një ndjekës si “një nënë e mirë që është vetë nënë e vetë babë”, Selvija zgjodhi të përgjigjej me një ndjeshmëri të veçantë, duke theksuar se djali i saj, Roeli, është në qendër të çdo përpjekjeje të saj:
“Roeli është primar tek unë dhe mundohem të bëj më të mirën për të,” u shpreh ajo.
Por pavarësisht se është ndarë nga partneri i saj i mëparshëm, këngëtari Shpat Kasapi, Selvija nuk hezitoi të flasë me respekt dhe mirënjohje për rolin që ai luan në jetën e djalit të tyre. Me tone bashkëpunimi dhe pjekurie, ajo shtoi:
“Roeli ka babin më të mirë në botë, që punon shumë dhe suporton rritjen e Roelit në mënyrën më të mirë të mundshme, dhe nuk është se kontribuoj vetëm unë tek rritja e Roelit.”
Ky qëndrim i hapur dhe vlerësues është një dëshmi e qartë e një modeli pozitiv të bashkëprindërimit. Në një realitet ku shumë marrëdhënie të përfunduara përfundojnë në përplasje dhe mosmarrëveshje, qasja e Selvijes është një shembull për t’u ndjekur: ruajtja e respektit reciprok dhe vendosja e mirëqenies së fëmijës në qendër. /Versus.al
